決定去<囍.嫁>印帖同安排了證婚律師啦!

今個星期我地終於用左煌府送比我地果張印帖優惠劵，去<囍.嫁>印帖啦~ 講真原來用優惠劵上到去個D人服務質素都無甘好GA! 我地上到去就選中左張帖，不過帖入面跟果張紙我地就唔太LIKE….我地問個負責人入面果張紙可不可以轉第二個款，答我地野果個人就係甘同我地講個張紙係嘍帖的無得轉，我男朋友問左佢兩次我地加錢有無得轉，佢地先醒水比左第二D紙我地選LAW…有珍珠紙同牛油紙比我地選，不過兩個都要加250蚊版費同1蚊一張紙，最後我地就選左珍珠紙。不過又有另一個問題就係，佢地跟比我地個信封就勁唔MATCH LAW! 我地係西式帖，不過佢地就比個勁中式既信封我地，之後又話帖入面果張金色線要加2亳子一條LAW! 樣樣都拆開晒收我地錢，最後我地梗係無加啦~我地打算印好晒D帖之後我地再後期加工，決定唔比佢賺甘多!

 由於襟花，其實<囍.嫁>都會送10個比我地既，不過我地就覺得果度D款就真係麻麻啦!所以我地就暫時未選襟花，等我地再睇下有無更好既款先啦! 

 另外，今日我去左比埋第一筆訂既尾數比吳剛師傅，吳剛師傅同我地講幫我地搵左個$2800既中環律師同我地當日證婚，我地見個價又唔太貴，甘我地今日又順便CONFRIM埋個律師啦! 師傅話遲下律師會搵日約我地出來見面，問我地攞埋D資料同我地搞證婚文件GA LA! 呼~又搞店多樣野啦~哈^^ 

已決定Pre-Wedding 相 (現代經典-香港店)

今日我同男朋友就打算去睇下吳剛師傅比我果D優惠券既公司係送D咩比我地。我地首先就去左免費印帖果間公司<囍.嫁>，嘩…上到間公司果度真係超多人呀!好多人都好似我地甘上去選囍帖，<囍.嫁>甘面其實都有好多帖既款式比我地煌府既新人CHOOSE….只有8款厚身既帖要加錢，其實款都不用我地加錢，不過我地就覺得D帖好似普通左小小甘，因為果度D帖既款都比較大路D既，至於襟花優惠既都係<囍.嫁>呢間公司既，不過我地就覺得果度D 襟花D款就比較小LOR… SO 我地就打算再睇下其他地方D帖同襟花再決定用唔用呢度D優惠。

之後我就去左金都睇當日攝影及租花車服務優惠既<NO. 1> ，呢間公司除左有當日攝影及租花車服務，仲有新娘化妝GA…我地無佢地公司同優惠券請一個攝影師同一個攝錄師就要$4XXX，如果請一個攝影師同一個攝錄師同一個SNAPSHOT就要$7XXX ，如果請一個攝影師同一個攝錄師同一個SNAPSHOT當日請多個派即影即有相既就要$9XXX ，而我地煌府新人JOIN 佢PACKAGE 仲可以送多3份佢地既禮物!
化車服務就1架租VAN仔6個鐘+1架私家車租3個鐘個PACKAGE 就$29XX ，而新娘化妝就$6XXX全日，全日任換造型，包1個件娘，2個媽咪化妝一次，如果姊妹要化妝就一個人加$250 化妝一次。
不過我男朋友就覺得呢間公司既當日攝影同VIDIO 就麻麻地，佢覺得<NO. 1>拍出來的感覺好普通，無咩特別LOR。不過我就覺得花車個價錢就OK啦…而化妝就要再睇下啦!

睇完<NO. 1>我地就去左金都其他鋪頭睇野，發覺原來金都真係有好多唔用既結婚野買GA…咩都有，我地去左印帖果D鋪頭，都睇中左幾款帖，果幾款都係好似有個囍字係上面，不過就係通花既，不過原來一張帖都唔平GA…就甘翻開既印200張就要成$15印，如果係拉出來既印200張就要$10.5啦~好貴啊…甘樣印一印都要成 $3000啦~(唔通真係要搵<囍.嫁>印帖?)   我地果去左D整花球公司度睇，之前成日都覺得花球要用真花先靚…不過我見完D絲花球之後，先知道而家D絲花球都整得好靚WO…分分鐘可以以假亂真啊~所以我諗我第時都會用絲花球^^起碼無甘快謝MA~

我地行完金都就打算去尖沙咀<希臘女神>睇下佢地送婚紗攝影係D咩，我地行到去尖沙咀金巴利道，比我地見地我地之前有興趣想去澳門影婚紗相果間< 現代經典 HK分店>，終是我地就走左入去問D INFOMATION 啦!其實HK分店分店都有幾個過澳門影相既PACKAGE 有 $10980，$16980同 $24980，佢地最大既分別係最平果個就包30張相，之後每張$168 ，$16980果個我地影左150張相之後就所有檔比番我地，就有50張相執好相放入相簿的，而$24980果個就係HK 同澳門影2日相果個我地影左300張相之後就所有檔比番我地。

其實我地就對$16980個PACKAGE 好有興趣，而且想知佢地同澳門間公司有咩分別，佢地話到時最大分別就係佢地D攝影師係由HK過去澳門影相既，而選相同拿相都係在HK，不用在澳門拿回來甘辛苦，我地可以在選婚紗甘就不用由HK 拿衫過去甘麻煩，而我男朋友又覺得佢地影D相又幾好，其實都心動想係度影，不過個價又真係貴左小小所以就決定唔到。後尾個SALES 見我地都好有心想係度影佢地就主動比左好多OFFER 我地。我地見平左甘多又UPDATE 左甘多野，所以就決定左地既PRE-WEEDING 相係< 現代經典 HK分店>啦!共比左 $ 17780…比我地之前個BUDGET 多左$6000 呀~ 我地之後一定要好好甘控制下BUDGET 啦~

特別OFFER FOR US:
1. PACKAGE $15980 (原本 $ 16980)
2. 14”X 14” 相簿 (原本是10” X 15”)
3. 80張相包執入相簿 (原本50張相包執入相簿)
4. 22” X 30” 油畫 (原本20” X 24”)
5. 3套衫包造型 (原本2套)
6. 送2張放果相 (原本1張要收160蚊)
(4個景點: 勵進大道、主教山、威尼斯人夜景、萊斯酒店
~ 之後我地仲加左$1800 住萊斯酒店，因為我地因在萊斯酒店影相

去完< 現代經典> 我地繼續去<希臘女神>問果個優惠啦~ 原來煌府送比我地個婚紗攝影個PACKAGE ($45XX) 係包男女各1套衫、化妝同送1張大油畫布不包框同14張散的相沒有相簿的…..仲要只係在影樓影室內同花園景JA….我聽完之後O晒嘴….如果要有框同相簿就要加$26XX 去UPGARDE 個PACKAGE 甘就會有相同框啦~我聽完之後就覺得好搵笨啦~原來係唔係都要比錢去影相~ 我地當然無比錢…話要考慮下啦…不過SALES 話張優惠券得1月會限期…要我地盡快決定唔好浪費個優惠LOR…..其實我覺得我地都JOIN 左< 現代經典>啦….我估我地都唔會再洗D無謂錢影相LOR!

  

已決定婚宴場地~國際都會<煌府鑽石廳>

今個星期我同男朋友打算係決定落訂國際都會<煌府鑽石廳>前，去多個場地睇下，上次同我朋友傾計佢話係MEGA BOX果間<喜百合>個場都OK….於是我地今日就去左睇<喜百合>個場啦!其實<喜百合>個場都唔差，個場就係長方形既，門口有個雀籠位置，係開席前擺餐前小食用既。而且則邊仲有落地玻璃去可以睇到出面個境都幾開揚GA!不過如果15圍包場就要11萬LOR!而個菜單得一個係全包宴(即免加一同包酒水) 其實D菜單就要加一同要加300蚊酒水….不過呢D都唔係我唔選呢個場個原因，最主要既原因係個交通真係好唔方便LOR! 第一，去MEGA BOX要坐接駁巴士OR TAXI 先到已經唔方便啦~第二,由地下上去<喜百合>14樓都要轉2次LIFT 先到,真係好唔方便，所以我最後都係決定去返國際都會<煌府鑽石廳>擺啦!

下午我聽聞鑽石山廣場有小型婚紗攝影展，我就同男朋友八八卦卦去睇下啦!其實我地一直都想我地個PRE WEDDING 係澳門影GA…於是我地重點就問左幾間公司有關澳門婚紗攝影D PACKAGE…不過原來都唔平GA…最小都要成$10000，HK 影就平D 7XXX 就有啦!

我地睇左有間公司<MY DREAM WEDDING> 佢地影相D風格我地都幾鍾意，而旦影出來D相既放果亦都好靚，D衫又唔錯，個PACKAGE 要$14999 在澳門景3個景, 10個鐘, 男女2件衫，包化妝同SET 頭，2本相簿，一個相架同而幅油畫，不過就得50張相LOR! 我同男友都覺得好似貴左D甘，所以我地都未決定到影唔影佢!不過唔急啦~仲有大把時間….慢慢搵啦!

晚上我地帶左媽咪一齊去國際都會<煌府鑽石廳>睇場，媽咪睇完之後都幾LIKE個場，仲話個交通好方便TIM^^ 之後我地就去搵吳剛師傅比埋個尾數同埋順便睇下可唔可以搵多小小優惠啦! 其實我同男友係想選$6198 張菜單既，不過如果我地加埋D酒水同2013年加果200蚊同加一既話甘就有小小OVER BUDGET….甘我地就想問師傅可唔可以免我地酒水啦~ 師傅說酒水就真係唔可以免比我地…不過我地就可以用最平果個菜單加100蚊(原本要300蚊先可以UOGARDE GA) UPGARDE $6198張菜單既原只鮑魚….甘即係變相平左酒水比我地! 而且師傅話如果我地想係佢地個場證婚，仲可以同我地搵律師TIM! 佢地有個搵開既律師，律師+結婚證書都係$2800 (比出面平左$500 啦)。

我見師傅甘有承意…甘我地就決定比埋13000蚊訂比師傅啦~不過我地雖然想比晒D訂比師傅…不過師傅ONLY 收我地$ 8000 ….叫我地22號再比埋果$5000 WO! 之後師傅仲話，如果我地有興趣去佢地酒樓試酒席菜單，佢仲可以比我地7折去試菜TIM^^ 不過點都好啦~而家我地總算搞店左場地果PART 啦~算係踏出左成功既一小步! 

另外，我地今日落完訂之後，師傅就一次過送左好多優惠券比我地啦~好似免費印帖、免費襟花一套、8折過大禮優惠、新娘化妝優惠、希臘女神婚紗攝影(價值$4XXX)、$1000希臘女神婚紗租借優惠、當日攝影及租花車服務優惠，等明天得閒過去看下先! 

 

初步決定<國際都會煌府鑽石廳>

今個星期六我過左澳門搵我男朋友，之後我地即便去左問有關係澳門影婚紗相D資料，我地打電話問左幾間唔同既婚紗攝影公司，每間公司個價格都好不同有平又有貴，不過我地上網做完RESEACH又問過身邊在澳門影過婚紗相既朋友之後，佢地都話澳門<現代經典>影相既質素同價錢都OK…終於我地就打去問啦!

佢地個PACKAGE 由5000 – 10000都有，我地問左8888個PACKAGE….個PACKAGE 包男女禮服各4件、在澳門任選2個外景,個漁人碼頭景同一個室內景，包150張相全檔，包化妝SET 頭，3本相簿(10吋、12吋同6吋)，有一張大相，同兩個相架。我地聽完之後都覺得幾OK!不過我地仲想比較下其他公司，所以就未決定到!

返到香港AROUND 4點左右….終是我就同男朋友去左紅磡國際都會<煌府鑽石廳>睇場地!之前我聽朋友介紹個場唔錯終於都有D興趣想去睇下啦!

我地上到去2樓發現有間<彩福>又見個場都OK…甘就八卦問下D INFORMATION 啦~ 彩福都係無MIN CHARGE ，不過個經理知道我地擺得15圍就即刻建議我地坎搵佢集團其他酒樓啦，佢話佢地個場係四邊形既，如果我地15圍就要間場，一來唔好睇，二來又會比則邊D客影響…SO 不建議我地在佢地度擺~我地就係甘比佢”送”左出來啦!(感覺好似比人睇唔起我地擺甘小圍...唔招呼我地甘!)

終是我地就向<煌府鑽石廳>進發，去到<煌府鑽石廳>個場，就有個好熟口熟面既經理招呼我地，帶我地去<鑽石廳>個場，我一入到去就勁鐘意個場啦….完全符合我心目中場地個SLYLE…之後去到個新娘房就仲LIKE…因為暑房真你好多，7-8個人入去都唔逼，而且個裝修仲好新TIM! 之後同經理坐低傾野先知道原來經理係吳剛師傅啊而且佢仲係煌府CEO TIM!呵呵~真搞笑…..師傅同我地解釋得好詳細… 15圍就可以BOOK 場啦!而且個菜單又唔貴5XXX就有啦!師傅仲比左好多優惠我地TIM!我地見甘多優惠…又見同之前睇果幾個場地D菜單差不多，而個場地我地兩個又甘鍾意WO!終是我地就同師傅講我地落小小錢HOLD 住我地BIG DAY 個期先，之後帶埋屋企人來睇過場OK 之後再CONFIRM 得唔得，師傅都話無問題，叫我地落2000蚊，兩個星期內CONFIRM 再比埋訂就OK 啦!(佢地落訂分3期…第一期每圍1000 蚊，第二期每圍1000 蚊，第三期尾數)，就係甘我地就落左2000蚊訂啦^^ 過兩日帶埋屋企人來﹐如果佢地都OK既話，甘我地就可以搞店個婚禮場地啦^^

師傅比既酒席OFFER:
1. 紅酒每席都有一支 
2. 送西式提名布同中式襟花
3. 8磅結婚蛋糕(原本得5磅)
4.西式禮堂字 (原本300蚊)
5. 席前飲品小食
6.免開瓶費
7. DVD影音制作
8. 椅套及台花全免 (原本各80蚊一席)
9.送40個鐘泊車
10. 180張請帖
11. 酒水半價$ 300 (600蚊席 包汽水+啤酒+果汁先生)
12. 2013年酒席差價收200蚊席 (原本要$300)

睇婚宴場地(2)

上個星期日同男友睇完果兩個場都唔岩心水，於是我今個星期三就同左媽咪去左尖沙咀再去睇其他場，我地去左美麗華商場果間<潮廷汇>，開頭我貪佢個場唔太大最多可以擺18圍…我15圍就可以包場啦！上到去睇個環境都OK….又沒有MIN CHARGE…個菜單又唔太貴…不過個經理話2013年6月之後既酒席 要2個月之後先可以BOOK….我地又唔想甘遲先BOOK WO…所以就決定放棄呢間啦!

之後我地就去左尖東帝國中心<好彩酒樓>同<彩晶軒>…<彩晶軒>就係在科學館對面，講交通其實都方便既，而果度既場地係入門口位仲有心形花花拱門…而入面個場又四四正正甘…個樣又唔太差…不過我擺得15圍就要間場LAW!而且呢度又沒有MIN CHARGE….菜單又唔貴! 其實我本身都幾LIKE 嫁…不過我就有小小唔鐘意麗晶商場個感覺…烏烏黑黑甘…就係呢點我要考慮啦!

之後去左之後我地就去左尖東帝國中心<好彩酒樓>…呢個場係網上有好多人都覺得好好….其實我媽咪看完都好鐘意，呢個場同<彩晶軒>個場好相似不過呢度就係長方形既，15圍就要間場…而呢度最吸引都係有個海景啦~係其他酒樓無GA…就係因為有呢個海景就已經令我將尖東帝國中心<好彩酒樓>列入考慮清單內啦!

 

之後我地去左尖東<百樂門>睇場，不過我睇完之後真唔係甘滿意啦~首先我真係覺得南洋中心比我個感覺麻麻，之後去到<百樂門>先知15圍原來要間場GA….不過我都預左要間場GA LA…不過我發現間左場之後個場地方真係好細…擺多幾張台都無咩位行啦~ 而且仲一D都唔大體甘…我望完個場都唔太滿意啦~所以好快都踢出左我既考慮清單啦~

 












我地仲去左中港城皇上皇集團既<皇室婚宴>同<皇廷汇>，其實呢兩個場真係可以話好重視裝修，兩間裝修都係歐陸風格，不過如果話靚就<皇廷汇>靚D…..而且個裝修新過<皇室婚宴>，如果比我選我會選<皇廷汇>啦~因為<皇廷汇>有個細場15圍就可以包場啦~而個場就橫身既，甘擺D台果時賓客同台既距離就無甘遠啦!所以我都好LIKE 個場比人個感覺都幾GRAND，而菜單都係AROUND 5XXX-6XXX 都在我地BUDGET入面，看完之後我就決定星期六帶我男朋友去睇呢個場，睇下佢LIKE 唔LIKE! 今日行程總算完結啦~星期六繼續!

<皇室婚宴>

<皇廷汇>

睇婚宴場地(1)

呢兩個星期我同男友終於都”的”起心肝去睇酒樓場地啦!  去睇之前都有同屋企人傾過，佢地都想去尖沙咀果頭D酒樓擺酒，於是頭個幾日我地都去尖沙咀D酒樓看。

我地開頭就去左尖沙咀近加拿芬道果間<御苑皇宴>睇，我同我男友睇完個場之後真係勁鍾意呀!因為個場係個台個位有幅牆甘高既LCD MON… 而且就可以在不同時間轉換背景，呢個場係全香港得呢間有甘效果既場黎GA..而且仲有POT LIGHT效果TIM…比人個FEEL 真係好夢幻同好公主既效果GA…而且個場就四四方方，場中間有兩幅PARITION同來排LCD MON…個場最多可以擺25圍，15圍就可以包場，不過15圍包場就要比15萬MIN CHARGE….聽完之後心都淡埋呀…15萬邊有甘多$$ WO…係就係個場靚….不過我就覺得錢仲靚LOR….SO 我地就決定收拾心情再去睇第二D場啦!

我地之後都有去莊士廣場果間<譽宴>，呢個場SELLING POINT 係有飛天南瓜車坐既譽宴酒樓，其實呢間D場地既設計都OK GA不過D裝修就無<御苑皇宴>甘新LOR…而個場最多可以擺25圍…而且係果度擺酒仲可以送好多優惠比你…好似婚紗攝影優惠甘….而且仲有一個WEDDING PLAN 同你跟晒成個婚禮TIM..我開頭真係比個吸引左GA…不過先知道如果好似我甘得15圍就要收14萬MIN CHARGE…再看埋個新娘房個D裝修就真係好舊..比人個FEEL 好差LOR…仲有就係我地個BUDGET 有限LOR….所以我地之後都決定去找第二間啦!

擇好日子

今日我同我男朋友終於都為我地婚禮踏出左第一步啦~ 我地去左黃大仙擇日，最開頭我同我男朋友都無諗住擇日，因為我地兩家人都唔係好信呢d野。不過結婚話晒都一世人一次，點都要擇番個好日子好d，終是我就上網查左一d有關擇日既資料。

於是我地就去左黃大仙解簽中心122鋪(嫻姐)度擇日，開頭我地都預左擇日要成千蚊ga…不過嫻姐收費比我地預期平，600蚊包擇日，當日接新娘出門時間，同去男家時間。而且嫻姐都幾好人，又有耐性同我地每日check 邊一岩我地，最後我地在2013年擇左10幾日好日子比我地回去慢慢再選。

而家我地要開始準備一下我地下一個step 啦~ 我地要在10幾日入面找3-4日我地喜歡既日子，之後就要去book 酒席啦~到時可能仲有排煩!!

感動一刻

3月19日是我的生日，而這一日對我來說既都十分別具意義。因為今日我男朋友正式同的求婚，他跟我說訂左澳門萊斯酒店同我慶祝生日，回到房間之後，他偷偷叫waiter order 左一紥花，播住我跟他相識時成日聽的<轉角遇到愛> ，然而跟我求婚，我面對住甘既情況，真係超感動，而呢一刻是我一生人中最感動、最難忘既時刻。

漫長而且繁複既婚禮工程..由那一刻起正式開始.....